عفاريت هندسة المنصورة

عفاريت هندسة المنصورة


 
البوابةالرئيسيةمكتبة الصورالتسجيلدخول

شاطر | 
 

 سؤال نفسى تشاركونى فى الحصول على أجابته ممكن

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
أميرة الطفولة
عفريت سوبر
عفريت سوبر
avatar

انثى
عدد الرسائل : 5656
العمر : 29
Localisation : at home
Emploi : nothing
Loisirs : 1234
نقاط : 38858
تقييـــم الأداء : 4
تاريخ التسجيل : 29/03/2007

مُساهمةموضوع: سؤال نفسى تشاركونى فى الحصول على أجابته ممكن   الخميس 25 أكتوبر - 10:43:22

[color=fuchsia]بسم الله الرحمن الرحيم


أزيكوا ياعفاريت يارب تكونوا بخير

كان عندى سؤال نفسى كلكم تشاركونى فى الرد عليه بأرائكم

ياترى القلب اللى بيحب الناس يقدر فى يوم يكرههم ؟ ولو كرههم مهما عملوا فيه ممكن يحاول ينتقم منهم ؟ وياترى هتكون طريقة أنتقامه أزاى؟



ياريت تفدونى بأرائكم

[color:5b1f=fuchsia:5b1f]ربنا يوفقكم
الرجوع الى أعلى الصفحة اذهب الى الأسفل
new_heart
مشرفة منتدى الأفلام الأجنبية
مشرفة منتدى الأفلام الأجنبية
avatar

انثى
عدد الرسائل : 855
العمر : 29
Localisation : IN MY SELF
Emploi : computer engineer
نقاط : 37652
تقييـــم الأداء : 0
تاريخ التسجيل : 27/06/2007

مُساهمةموضوع: رد: سؤال نفسى تشاركونى فى الحصول على أجابته ممكن   الخميس 25 أكتوبر - 11:08:28

bosy ya amira ana 3iza a2olk en ely y7b 7d 3omrooooooooo
ma ykrho abadaaan howa mhma 3mlo fih msh hikrhom howa enty momken tkoni z3lana awyyyyyy mnhom aw msdoma

bs sd2eny 3omrk ma httmni lihom 3'er el 7'eer we ana mot2kda enk 3omrk ma htnt2my bl3ks momken ykon so2 tfahom

mahma 7sl aked fe sbb 7awly ttfahmy m3ahom we t3rfy el zroof we lw kano msh kowaiseen sam7ehom

5leeky a7sn mnhom

sorry 3l etala we isA 5eer

_________________
Everything is okay in the end... If it's not okay then it's not the end
الرجوع الى أعلى الصفحة اذهب الى الأسفل
boody
عفريت محترف
عفريت محترف
avatar

ذكر
عدد الرسائل : 714
العمر : 29
Emploi : eng
Loisirs : land of allah
نقاط : 36743
تقييـــم الأداء : 0
تاريخ التسجيل : 27/09/2007

مُساهمةموضوع: رد: سؤال نفسى تشاركونى فى الحصول على أجابته ممكن   الخميس 25 أكتوبر - 12:42:26

أولا أزيك يا أميره ويا رب تكونى بخير والموضوع بتاع
ياترى القلب اللى بيحب الناس يقدر فى يوم يكرههم ده ليه موقفين تعمليهم تبع الموقف الى عملوه فيكى بس هتكلم بشكل عام::طبعا اللى بيحب بيعرف يغفر ويسامح وأن يتغاضى عن تلك الهفوه أوالمشكله..........وأن اغض الطرف عن بعض الاخطاء........ويجب ان تعرفى أن خلف كل حب جرح
فإن سامحتيهم المره الاولى مش معنى كده انك تقوليلهم ده قلبى اجرحوه تانى
يقولون.. أن تغفرى للاخرين لا يعني أن تمنحيهم فرصة جرحك مرة أخرى.ولا يعني أنك تعيد لهم المكان الذي كانو فيه والحب الذي أغدقتهم به..
أن تغفرى لهم هو قبل كل شيء من أجلك لا من أجلهم..
نعم كلنا لنا أخطائنا ولنا حماقاتنا ونزواتنا أحيانا.. ونحب أن يسامحنا أولئك الذين نحبهم.. لكن هل نحن فعلا قادرون على المسامحة..؟؟!!

ما هي الأخطاء التي لا يمكن لكى أن تغفريها لأولئك الذين تحبينهم؟؟! ولماذا؟؟كل ده تبع الموقف اللى عملوه فيكى وأنا طبعا مش عارف أحدد بالضبط عشان معرفوش وأما ولو كرههم مهما عملوا فيه ممكن يحاول ينتقم منهم

فأ حسن حاجه أنك تعتزليهم وتبعدى عنهم الانهم هيخسرم كتير هيخسرم واحده فى جمال شخصيتك
وبجد هيندموا بعد كده النهم محافظوش عليكى او مرعوش مشاعرك ومحبكوش ذى انتى محبتيهم

وياترى هتكون طريقة أنتقامه أزاى؟

هههههههههههه مش معقول يطلع السؤال ده منك يا أميره أكيد بتهزرى معتقدش ان فى واحده زيك تفكر فى الانتقام شكلك كنتى بتحلمى طبعا مينفعش

ويا ريت أكون فدتك بأى حاجه ويارب يكون كل ده سوء تفاهم مع اللى بتحبيهم

وأنا مستنى انتى عملتى ايه معاهم وإختيارك هيكون ايه ؟؟ معلش طولت عليكى وسلاااااااام
الرجوع الى أعلى الصفحة اذهب الى الأسفل
mohamed shalash
مشرف منتدى الأستاد الرياضى ومقهى العفاريت
مشرف منتدى الأستاد الرياضى ومقهى العفاريت
avatar

ذكر
عدد الرسائل : 2790
العمر : 29
Localisation : at home
Emploi : اريد شغــــــــلا وحنانا
Loisirs : اى حاجه
نقاط : 38866
تقييـــم الأداء : 2
تاريخ التسجيل : 28/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 3:19:07

اولا مواضيعك كلها منوره المنتدى ولها طابعها الخاص اللى بيتعرف منها ان اللى كاتب الموضوع هى اميرة الطفوله
ثانيا بالنسبه لسؤالك
[color=fuchsia]ياترى
القلب اللى بيحب الناس يقدر فى يوم يكرههم ؟ ولو كرههم مهما عملوا فيه
ممكن يحاول ينتقم منهم ؟ وياترى هتكون طريقة أنتقامه أزاى؟


هو عموما اللى بيحب انسان اوى عمره فى يوم ما يقدر يكرهه هوه ممكن الحب هيقل بس ميكرهش لدرجة الانتقام منه لانه مش بيحبه اوسابه
لان الحب ده من اسمى المعانى والروحانيات اللى ربنا خلقها فينا
مش لازم يكون حب رجل للمرأة انا قصدى هنا حب الانسان لاصدقائه لزملائه لاى حد مهما كان
بس لازم الحب ده يكون حب فعلا وان المشاعر دى مش مزيفه


لو
الحب ده حقيقي بره مصالح او منفعه اكيد بيفضل في الانسان و مابيتحولشي
لكره حتي لو اتقابل بغدر او اتصدم في الشخص ده.ممكن ينام جوانا او
يتنسي..مجازا يعني.بس لما نفتكر هتلاقي الحاجات واللحظات الحلوة هي اللي
بنفتكرها يمكن نحس بغصه في قلبنا واحنا بنفتكر ده مع النهاية المؤلمة
بالنسبة لينا بس مش هيكون ده كره بيبقي حسرة علي الوقت و العمر اللي
ماكنشي ليه فايده
وزى ماقلت قبل كده اللى يعرف يحب مايعرفش يكره .واللى عرف التسامح بينسي الانتقام.واللى قلبه كبير وابيض ميعرفش القلب الاسود
بس اللى عايز ينتقم من حد بيحبه عشان محبهوش او ملقاش فيه الانسان اللى ممكن يكمل معاه بقيت حياته
والانتقام ده ممكن يكون ناتج من حاجات كتير والحب اللى يتحول لكره ممن يكون نتيجة جرح كبير او صدمه من انسان عزيز وثقة فيه وفى رايه ومع كثرة الم والحزن بنحس باننا خسرنا المعركه قدام الطرف التانى وعايزين نبين له اننا مخسرناش برحيله عننا او اننا مضعفناش وما زلنا متماسكين واكثر صلابه من الاول فيكون تفكير هذا الشخص فى الانتقام والتفكير ده انا متاكد انه مش نابع من جواه اكيد الشيطان هو اللى قعد يتكتك ويسوس لحد ماو صله للفكره دى
بس هوه لو رجع وافترك انه كان بيحبه وافتكر اى لحظه جميله مع هذا الشخص مهما كان الجرح وقسوة اللى عمله معاه هينسى كل ده ويتمنى الخير له ولاى انسان ممكن يكون جرحه قبل كده والخير اللى بينتصر فى النهايه


معلش طولت عليكوا كتير فى الرد وده اطول رد ليا على المنتدى بس بجد الموضوع شدنى اووى لدرجه انى مش حسيت بنفسى الا وانا بنهى الرد
اسف مره تانيه على التطويل وشكرا لاميرة الطفوله على المواضيع الجامده دى واللى اكيد ملهاش حل
سلاااااااااااااااااااااااااااااااام

_________________
الرجوع الى أعلى الصفحة اذهب الى الأسفل
3aMoOr
عفريت سوبر
عفريت سوبر
avatar

ذكر
عدد الرسائل : 3210
العمر : 29
Localisation : still searching
Emploi : stnd
Loisirs : no means
نقاط : 39067
تقييـــم الأداء : 4
تاريخ التسجيل : 24/04/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 8:10:34

ازيك يا اميرة ... احنا بخير يارب انتى كمان تكونى بخير

بصراحة ... انا اول ما شوفت موضوعك ابتسمت ...
حسيت كده انه طالع من قلبك وفعلا محتاجة اجابة تريحك ... صح؟؟

لو فرضنا ان الموضوع اللى حضرتك كتباه نظرناله من وجه نظرين مختلفة :-

وجه النظر الاولى والقريبة :- انه هناك "ناس معينه" انتى بتحبيهم اوى وخايفه على حبهم دة ... وفى نفس الوقت حصل مشكلة سببت اللى انتى بتقولى عليه دا ... وخايفه ان حبهم دا يضيع بل يتحول لكره ... والاصعب انه يبقى فى انتقام كمان .....!
لو تسمحيلى انا ردى مش هيختلف كتير عن نيو وبودى.... يعنى هما لو كانوا حبوكى فى يوم من الايام ... والخطأ كان شىء صعب عليهم ... لو فرضنا انهم لا قدر الله كرهوكى .... صدقينى الاصل كان الحب فى الاول ... وكل شىء بيتغير فى عاطفة معينة وبيرجع لحاله الاصلى اللى هوة الحب وبالتالى مسألة الانتقام ديه لقدر الله لو حصلت يبقى المشكلة كانت منك انتى -اعذرينى- فى اختيارك للناس ديه لان اللى بيحب لايمكن يأذى ابدا واذا اذاكى يبقى عمره محبك وبالتالى كان الخطأ فى الاختيار.. وبالتالى انا استبعد موضوع الانتقام دا لانه لا يأتى الا من اسوء الناس... ودا فى حالة حسن الاختيار طبعا
مسالة كرهوكى .... صدقينى انا اشك فيها... لو انتى عرفتى انتى حبيتى مين بجد ... اكيد مش هيكرهك لو عارف انتى بتحبيه ازاى .... مهما كان الخطا ... يكفى انك تقرى بيه بس
وكل شىء هيعود لطبعته لو الشخص دا بعرف يقدّر صح....

وجه النظر التانية :-
انك بردة بتحبى ناس معينة بس المرادى حصل منهم هما اللى يخليكى تحسى انك خلاص بتكرهيهم وخايفه تنتقمى كمان - وانا بأكد ان وجه النظر ديه يمكن بعيده شوية لكن انا مكتبتهاش يا اميره غير لما حسيت من شدة الدافع لكتابة السؤال دا .

وبالتالى دا مخليكى تحسى انك بتعملى حاجة بحكم شخصيتك انتى مش عاوزاها لان الخطا كان فى نظرك قوى اوى اجبرك سيكولوجيا انت تحسى بالكره اتجاه الناس دول وعاوزه تخدى حقك ودا برده دافع خلاكى تسالى السؤال دا ... لان دا واضح انه مش من طبعك ابدا ... وانا راى بقى فى الموضوع دا مش هقولك الطيب احسن وسمحيهم و .. و.. و

لأ افتكرلهم الحاجات الحلوة اللى كانت معاكى ليهم .... الحاجات الجميلة اللى بتربطك بيهم ... مش عشان نقطة سودا نقطع الورقة البيضة كلها ... لأ

وانا بطمنك مهما كانت المشكلة اللى عاندك كبيرة ومسببالك قلق ... صدقينى كل شىء بياخد وقته وبيرجع الطبيعة ومتتسرعيش فى التصرف فى لحظة مش عارفة تخدى فيها القرار الصح يا اميرة

دا كان ردى اتمنى انه يكون فى مكانه ..... وآسف عـ الاطالة يا جميل
اتمنى ليكى وللجميع التوفيق


عمووووور

الرجوع الى أعلى الصفحة اذهب الى الأسفل
أميرة الطفولة
عفريت سوبر
عفريت سوبر
avatar

انثى
عدد الرسائل : 5656
العمر : 29
Localisation : at home
Emploi : nothing
Loisirs : 1234
نقاط : 38858
تقييـــم الأداء : 4
تاريخ التسجيل : 29/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 8:31:46

new_heart كتب:
bosy ya amira ana 3iza a2olk en ely y7b 7d 3omrooooooooo
ma ykrho abadaaan howa mhma 3mlo fih msh hikrhom howa enty momken tkoni z3lana awyyyyyy mnhom aw msdoma

bs sd2eny 3omrk ma httmni lihom 3'er el 7'eer we ana mot2kda enk 3omrk ma htnt2my bl3ks momken ykon so2 tfahom

mahma 7sl aked fe sbb 7awly ttfahmy m3ahom we t3rfy el zroof we lw kano msh kowaiseen sam7ehom

5leeky a7sn mnhom

sorry 3l etala we isA 5eer
ولا أطالة ولا حاجة يانيوهارت بالعكس ده أنتى نورتى الموضوع وميرسيه قوى ياجميل على ردك
الرجوع الى أعلى الصفحة اذهب الى الأسفل
أميرة الطفولة
عفريت سوبر
عفريت سوبر
avatar

انثى
عدد الرسائل : 5656
العمر : 29
Localisation : at home
Emploi : nothing
Loisirs : 1234
نقاط : 38858
تقييـــم الأداء : 4
تاريخ التسجيل : 29/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 8:40:02

boody كتب:
أولا أزيك يا أميره ويا رب تكونى بخير والموضوع بتاع
ياترى القلب اللى بيحب الناس يقدر فى يوم يكرههم ده ليه موقفين تعمليهم تبع الموقف الى عملوه فيكى بس هتكلم بشكل عام::طبعا اللى بيحب بيعرف يغفر ويسامح وأن يتغاضى عن تلك الهفوه أوالمشكله..........وأن اغض الطرف عن بعض الاخطاء........ويجب ان تعرفى أن خلف كل حب جرح
فإن سامحتيهم المره الاولى مش معنى كده انك تقوليلهم ده قلبى اجرحوه تانى
يقولون.. أن تغفرى للاخرين لا يعني أن تمنحيهم فرصة جرحك مرة أخرى.ولا يعني أنك تعيد لهم المكان الذي كانو فيه والحب الذي أغدقتهم به..
أن تغفرى لهم هو قبل كل شيء من أجلك لا من أجلهم..
نعم كلنا لنا أخطائنا ولنا حماقاتنا ونزواتنا أحيانا.. ونحب أن يسامحنا أولئك الذين نحبهم.. لكن هل نحن فعلا قادرون على المسامحة..؟؟!!

ما هي الأخطاء التي لا يمكن لكى أن تغفريها لأولئك الذين تحبينهم؟؟! ولماذا؟؟كل ده تبع الموقف اللى عملوه فيكى وأنا طبعا مش عارف أحدد بالضبط عشان معرفوش وأما ولو كرههم مهما عملوا فيه ممكن يحاول ينتقم منهم

فأ حسن حاجه أنك تعتزليهم وتبعدى عنهم الانهم هيخسرم كتير هيخسرم واحده فى جمال شخصيتك
وبجد هيندموا بعد كده النهم محافظوش عليكى او مرعوش مشاعرك ومحبكوش ذى انتى محبتيهم

وياترى هتكون طريقة أنتقامه أزاى؟

هههههههههههه مش معقول يطلع السؤال ده منك يا أميره أكيد بتهزرى معتقدش ان فى واحده زيك تفكر فى الانتقام شكلك كنتى بتحلمى طبعا مينفعش

ويا ريت أكون فدتك بأى حاجه ويارب يكون كل ده سوء تفاهم مع اللى بتحبيهم

وأنا مستنى انتى عملتى ايه معاهم وإختيارك هيكون ايه ؟؟ معلش طولت عليكى وسلاااااااام

أنا الحمد لله كويسة يارب أنت اللى تكون بخير

ولا طولت ولا حاجة يابودى بالعكس أنت نورت الموضوع وأفدتنى بردك
أما بالنسبة للأنتقام فأنا مهما كنت طيبة فأنا برده أكيد هيكون جوايا رغبة أنى أنتقم لنفسى حتى لو كنت هحس بعدها أنى غلط
وطبعا لما أوصل لنهاية هقولكم

مرة تانية مرسيه على ردك الجميل ده
الرجوع الى أعلى الصفحة اذهب الى الأسفل
أميرة الطفولة
عفريت سوبر
عفريت سوبر
avatar

انثى
عدد الرسائل : 5656
العمر : 29
Localisation : at home
Emploi : nothing
Loisirs : 1234
نقاط : 38858
تقييـــم الأداء : 4
تاريخ التسجيل : 29/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 8:49:03

shetos كتب:
اولا مواضيعك كلها منوره المنتدى ولها طابعها الخاص اللى بيتعرف منها ان اللى كاتب الموضوع هى اميرة الطفوله
ثانيا بالنسبه لسؤالك
[color=fuchsia]ياترى
القلب اللى بيحب الناس يقدر فى يوم يكرههم ؟ ولو كرههم مهما عملوا فيه
ممكن يحاول ينتقم منهم ؟ وياترى هتكون طريقة أنتقامه أزاى؟


هو عموما اللى بيحب انسان اوى عمره فى يوم ما يقدر يكرهه هوه ممكن الحب هيقل بس ميكرهش لدرجة الانتقام منه لانه مش بيحبه اوسابه
لان الحب ده من اسمى المعانى والروحانيات اللى ربنا خلقها فينا
مش لازم يكون حب رجل للمرأة انا قصدى هنا حب الانسان لاصدقائه لزملائه لاى حد مهما كان
بس لازم الحب ده يكون حب فعلا وان المشاعر دى مش مزيفه


لو
الحب ده حقيقي بره مصالح او منفعه اكيد بيفضل في الانسان و مابيتحولشي
لكره حتي لو اتقابل بغدر او اتصدم في الشخص ده.ممكن ينام جوانا او
يتنسي..مجازا يعني.بس لما نفتكر هتلاقي الحاجات واللحظات الحلوة هي اللي
بنفتكرها يمكن نحس بغصه في قلبنا واحنا بنفتكر ده مع النهاية المؤلمة
بالنسبة لينا بس مش هيكون ده كره بيبقي حسرة علي الوقت و العمر اللي
ماكنشي ليه فايده
وزى ماقلت قبل كده اللى يعرف يحب مايعرفش يكره .واللى عرف التسامح بينسي الانتقام.واللى قلبه كبير وابيض ميعرفش القلب الاسود
بس اللى عايز ينتقم من حد بيحبه عشان محبهوش او ملقاش فيه الانسان اللى ممكن يكمل معاه بقيت حياته
والانتقام ده ممكن يكون ناتج من حاجات كتير والحب اللى يتحول لكره ممن يكون نتيجة جرح كبير او صدمه من انسان عزيز وثقة فيه وفى رايه ومع كثرة الم والحزن بنحس باننا خسرنا المعركه قدام الطرف التانى وعايزين نبين له اننا مخسرناش برحيله عننا او اننا مضعفناش وما زلنا متماسكين واكثر صلابه من الاول فيكون تفكير هذا الشخص فى الانتقام والتفكير ده انا متاكد انه مش نابع من جواه اكيد الشيطان هو اللى قعد يتكتك ويسوس لحد ماو صله للفكره دى
بس هوه لو رجع وافترك انه كان بيحبه وافتكر اى لحظه جميله مع هذا الشخص مهما كان الجرح وقسوة اللى عمله معاه هينسى كل ده ويتمنى الخير له ولاى انسان ممكن يكون جرحه قبل كده والخير اللى بينتصر فى النهايه


معلش طولت عليكوا كتير فى الرد وده اطول رد ليا على المنتدى بس بجد الموضوع شدنى اووى لدرجه انى مش حسيت بنفسى الا وانا بنهى الرد
اسف مره تانيه على التطويل وشكرا لاميرة الطفوله على المواضيع الجامده دى واللى اكيد ملهاش حل
سلاااااااااااااااااااااااااااااااام

أولا مرسيه ليك يا شيتوس على ردك
ثانيا أنا ليه الشرف أن يكون أول موضوع ترد فيه رد طويل يكون موضوعى
ثالثا أنت فعلا حددت نوع الحب اللى أنا قصداه حبنا لأصحابنا والناس اللى بنثق فيها وبنديها كل ثقتها وفجأة بنتصدم وبنكتشف أننا أسأنا الأختيار فمبيكنش قدامنا غير أننا نفكر فى الأنتقام وخصوصا لما يكون الناس دول أتسببوا فى نزول دموعنا وزعلنا وفعلا اللى بيحب مبيعرفش يكره بس بيكون جواه شرخة ألم وممكن ينتقم من غير ما يقصد حتى لو كان الأنتقام مش من طبعه

عموما ميرسيه على ردك ياشيتوس ومرورك العسل ده
الرجوع الى أعلى الصفحة اذهب الى الأسفل
أميرة الطفولة
عفريت سوبر
عفريت سوبر
avatar

انثى
عدد الرسائل : 5656
العمر : 29
Localisation : at home
Emploi : nothing
Loisirs : 1234
نقاط : 38858
تقييـــم الأداء : 4
تاريخ التسجيل : 29/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 9:03:35

3aMoOr كتب:
ازيك يا اميرة ... احنا بخير يارب انتى كمان تكونى بخير

بصراحة ... انا اول ما شوفت موضوعك ابتسمت ...
حسيت كده انه طالع من قلبك وفعلا محتاجة اجابة تريحك ... صح؟؟

لو فرضنا ان الموضوع اللى حضرتك كتباه نظرناله من وجه نظرين مختلفة :-

وجه النظر الاولى والقريبة :- انه هناك "ناس معينه" انتى بتحبيهم اوى وخايفه على حبهم دة ... وفى نفس الوقت حصل مشكلة سببت اللى انتى بتقولى عليه دا ... وخايفه ان حبهم دا يضيع بل يتحول لكره ... والاصعب انه يبقى فى انتقام كمان .....!
لو تسمحيلى انا ردى مش هيختلف كتير عن نيو وبودى.... يعنى هما لو كانوا حبوكى فى يوم من الايام ... والخطأ كان شىء صعب عليهم ... لو فرضنا انهم لا قدر الله كرهوكى .... صدقينى الاصل كان الحب فى الاول ... وكل شىء بيتغير فى عاطفة معينة وبيرجع لحاله الاصلى اللى هوة الحب وبالتالى مسألة الانتقام ديه لقدر الله لو حصلت يبقى المشكلة كانت منك انتى -اعذرينى- فى اختيارك للناس ديه لان اللى بيحب لايمكن يأذى ابدا واذا اذاكى يبقى عمره محبك وبالتالى كان الخطأ فى الاختيار.. وبالتالى انا استبعد موضوع الانتقام دا لانه لا يأتى الا من اسوء الناس... ودا فى حالة حسن الاختيار طبعا
مسالة كرهوكى .... صدقينى انا اشك فيها... لو انتى عرفتى انتى حبيتى مين بجد ... اكيد مش هيكرهك لو عارف انتى بتحبيه ازاى .... مهما كان الخطا ... يكفى انك تقرى بيه بس
وكل شىء هيعود لطبعته لو الشخص دا بعرف يقدّر صح....

وجه النظر التانية :-
انك بردة بتحبى ناس معينة بس المرادى حصل منهم هما اللى يخليكى تحسى انك خلاص بتكرهيهم وخايفه تنتقمى كمان - وانا بأكد ان وجه النظر ديه يمكن بعيده شوية لكن انا مكتبتهاش يا اميره غير لما حسيت من شدة الدافع لكتابة السؤال دا .

وبالتالى دا مخليكى تحسى انك بتعملى حاجة بحكم شخصيتك انتى مش عاوزاها لان الخطا كان فى نظرك قوى اوى اجبرك سيكولوجيا انت تحسى بالكره اتجاه الناس دول وعاوزه تخدى حقك ودا برده دافع خلاكى تسالى السؤال دا ... لان دا واضح انه مش من طبعك ابدا ... وانا راى بقى فى الموضوع دا مش هقولك الطيب احسن وسمحيهم و .. و.. و

لأ افتكرلهم الحاجات الحلوة اللى كانت معاكى ليهم .... الحاجات الجميلة اللى بتربطك بيهم ... مش عشان نقطة سودا نقطع الورقة البيضة كلها ... لأ

وانا بطمنك مهما كانت المشكلة اللى عاندك كبيرة ومسببالك قلق ... صدقينى كل شىء بياخد وقته وبيرجع الطبيعة ومتتسرعيش فى التصرف فى لحظة مش عارفة تخدى فيها القرار الصح يا اميرة

دا كان ردى اتمنى انه يكون فى مكانه ..... وآسف عـ الاطالة يا جميل
اتمنى ليكى وللجميع التوفيق


عمووووور


أولا أنا الحمد لله ياعمووووووور
ثانيا مرسيه على ذوقك وردك الجميل
ثالثا هو فعلا السؤال ده ناتج عن مشكلة بس هى من وجهة نظرك التانية
وبصراحة أنا كنت متوقعة أنى ممكن أسامحهم لكن للأسف مقدرتش وفى نفس الوقت خايفة منهم لينتقموا منى لأنى شوقتهم وقت الخير والطيبة ووقت الشر وكنت بحاول أبعدهم عن الشر فبصراحة مش واثقة أن يكون فى حد يعرفهم يقدر يبعدهم عن الشر فدى مسبب قلق جوايا بس ربنا يستر

وعموما ميرسيه على ردك ومفيش أطالة ولا حاجة يا عمووووووووور
نورت الموضوع
الرجوع الى أعلى الصفحة اذهب الى الأسفل
shoshet
عفريت سوبر
عفريت سوبر
avatar

انثى
عدد الرسائل : 1010
العمر : 29
Emploi : طالبه بكليه الهندسه
Loisirs : اى حاجه
نقاط : 37594
تقييـــم الأداء : 0
تاريخ التسجيل : 02/07/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 16:20:59

على فكره سؤال محير جدا ويمكن من الاسئله اللى منقدرشى نواجه نفسنه باجابه صحيحه لتلك الاسئله
الحب شعور
والكره شعور

الحب يكبر لما يلاقي اللي يستاهله ويقدّره
والكره ينوجد لما يلاقي السبب لوجوده

اللي يحب شخص مش يكرهه لشخصه وذاته
لأنه في يوم من الأيام حبّه لشخصه وذاته
لكن ممكن يكره تصرفاته
أعتقد هذا أدق وصف
نكره تصرفات اللي نحبهم لأنها ممكن تجرحنا وتضايقنا
ونكره تغيّرهم لما تتبدل مشاعرهم ...



انا بقول ان القلب الحاقد لا يمكن أن يحب لأنه لايثق حتى بنفسه
وكذلك الأنسان الذي يحب لايمكن أن يكره أبد لأنه صاحب مشاعر رقيقه مهما حصل له من خدش لمشاعره إلا انه يظل يعيش على الأمل المفقود لعل أن يعود في يوم من الأيام , أو يظل يتذكر أجمل عذاب الحب؟في تلك الأيام الجميله
ولايعرف الحقد لقلبه طريق أبدآ .
لأن كما قلت الأنسان الحاقد لا يمكن أن يحب


ومن يكره بعد حب أعتقد أنه أوهم نفسه على أنه له قلبٍ يحب



الصراحة الحياة كلها جروح من المستحيل أن تتداوى جرحك ولكن من الممكن ان توهم نفسك بكراهيته لترضى كبريائك وتريح نفسك




(والله والله اي شخص يحب استحاله يكره مهما حصل حتى لويصل به الأمر الى التضحيه في أغلى شئ يملكه).

انا من رايى انك مش تنتقمى وتحاولى تشغلى نفسك باى حاجه تانيه لان فيه وجهتين
الاول:وانا اؤيد الراى ده انهم يكونو فعلا بيحبوكى وبكده هيكون سكوتك اكبر انتقام ليهم وهيرجعو نفسهم وهيحسو بالذنب اتجاهك
الثانى:وده استبعده جدا لان فيه لحظات حلوه مرت بنكم انك تكونى اساتى الاختيار من البدايه وبكده يبقى سكوتك افضل لانهم مش يستهلو انك تفكرى فيهم ولو لحظه حتى لوكانت اللحظه دى ضدهم والله خير منتقم

وممكن يكون التفكير فى الانتقام ده يشغلك ويتعبك انتى وهما ولا على بالهم وزى مقلتلك الله خير منتقم
اتمنى انى اكون افادتك بجد ولو اى اجابه تانيه او نقاش فى اللى كاتبته او مكتبتوشى انا مستعده بجد


سورى انا اتكلمت كتير بس السؤال له جوانب فرعيه كتير وده جزء منها.


ومرسى ياأميرتنا بجد سؤال اجابته مهم ان يعرفها كل انسان.
الرجوع الى أعلى الصفحة اذهب الى الأسفل
mostafa ewaiha
مشرف قسم الكورسات والدورات التعليمية
مشرف قسم الكورسات والدورات التعليمية
avatar

ذكر
عدد الرسائل : 1101
العمر : 28
Localisation : In ur heart
Emploi : مهندس
Loisirs : Drawing , AVR micro
نقاط : 39036
تقييـــم الأداء : 2
تاريخ التسجيل : 02/04/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 17:46:28

" ياترى القلب اللى بيحب الناس يقدر فى يوم يكرههم ؟
ولو كرههم مهما عملوا فيه ممكن يحاول ينتقم منهم ؟
وياترى هتكون طريقة أنتقامه أزاى؟ "


أولا يارب تكوني في صحة جيدة وتشكراااااااااات على الموضوع

ثانيا بصي يا أميرة اللي يعرفك صح لا يمكن أن يتخاصم معكي بجد و ده بعيدا عن المدح " وده بوجه خاص "

" أما بوجه عام فالحمد لله على نعمة الإسلام التي لا يجب أن نحافظ عليها فقط بل نتبعها لكي نستخلص منها الأخلاق الحميده وذلك من القرآن الكريم والسنة النبوية "

فإسلامنا العظيم يدعونا إلى الحب والتراحم والتسامح وذلك بعيداَ عن السذاجة والضعف وكان سيدنا محمد عليه الصلاة والسلام أحب الناس وأرحم الناس وكان متسامحا

فأنا لا أتخيل أن الإنسان يستطيع أن يكره إنسانا آخر بعد حبا له ولكن من الممكن أن نكره إنسانا وبعد ذلك نحبه ولكن ( بعد أن يتضح لنا سلامة تفكيره و.................. إلخ )

فالحب معناه رقة ولين في القلب لهذا الإنسان الذي أحببته في الله وهذا يترتب عليه التأثر به والتأثير عليه ( فلذلك لابد أن نتخير أصدقاء الخير ) ولذلك نجد أن النجاح لا يأتي إلا عن طريق الصحبة الخير

لحد كده سليم جدا

ولكن نأتي عند سؤالك يا أميرتنا .

من رأيي أنه لا يوجد كره بين الأصدقاء وذلك إن كان حباَ في الله ، ولكن الذي يحدث هو أن الشيطان ينجح في التسلل إلى قلوبهم وبعد هذا النجاح يبدأ في تهديم هذا الحب الصادق وهذا ينتج عنه قسوة للقلب وبعدها إنقطاع في طاعة الله وينجح الشيطان في مهمته ولذلك يستحب قول ( أعوذ بالله من الشيطان الرجيم ولا حول ولا قوة إلا بالله العلي العظيم ) ولكي يعم الحب فيجب انا تبدار بالإعتذار حتي إذا كنا غير خاطئين وأنا نلتمس أعذار الأخرين
بس كده يا أميرة

أما حكاية الإنتقام فأنا أظن أننا إكتسبناها من الأفلام والمسلسلات ال................

فلا أتخيل أن الإنسان المسلم ينتقم

ولكن يجب أن نتوخي الحذر في إختيار الصديق فهو الساحب إما للجنة أو للنار

ويارب يكون كلامي إتفهم

وتشكراااااااااات يا أميرة على السؤال الحلو ده

_________________
عفواااَ لا يوجد توقيع يصف حزني عليك يا أقصى

ولا يبقى إلا الدعاء لك بالطهارة و التحرير ..

" اللهم قد إمتلأت الأرض ظلماَ وجوراَ، فأرح الناس " عمر بن عبدالعزيز
الرجوع الى أعلى الصفحة اذهب الى الأسفل
MERO
مشرف المنتدى العاطفى
مشرف المنتدى العاطفى
avatar

ذكر
عدد الرسائل : 4063
العمر : 29
Emploi : مهندس
Loisirs : الوقوف قدام البحر
نقاط : 39244
تقييـــم الأداء : 1
تاريخ التسجيل : 29/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 18:00:37

انا هتكلم عن نفسى انا الحمد لله قلب طيب وبحب كل الناس وحصلتلى مشكله فى حياتى
وفكرت انتقم بس اللى حصل انى مش بنتقم من اللى خدعنى انا بنتقم من نفسى
وبيتهيالى ان الرد الواقعى  بيكون كويس
شكرا اميره الطفوله
الرجوع الى أعلى الصفحة اذهب الى الأسفل
kemo1988
مشرف منتديات الطرب والموسيقى
مشرف منتديات الطرب والموسيقى
avatar

ذكر
عدد الرسائل : 3807
العمر : 29
نقاط : 38638
تقييـــم الأداء : 0
تاريخ التسجيل : 31/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 19:04:20

بجد انا بشكرك جداااااااااااااا يا اميره الطفوله على موضوعك الجميل جداا ده
لسببين اولا : لان بجد السؤال ده جميل جدا واكيد حصل وبيحصل لناس كتير
ثانيا: لانك خلتينا نعرف اعضاء المنتدى بيفكروا ازاى!!!!!!

ياترى القلب اللى بيحب الناس يقدر فى يوم يكرههم ؟
انا هجاوبك بكل صراحه ( لالا ) لانى اعتقد انى طالما الانسان حب شخص ما فصعب اوى عليه انه يكره بمعنى كلمه كراهيه. هو ممكن ماعدش يحبهم زى الاول بس مش هتوصل لدرجه الكره.
وهو ممكن علشان بيبعد عنه فبيفتكر ان هو كده كرهه بس الحقيقه ان هو بيحاول ينساه واول ما هينساه بجددد ويفتكره بيضحك على الموقف اللى حصل معاه . بس لازم هو ما يوقفش حياته عند الموقف ده.

لو كرههم مهما عملوا فيه ممكن يحاول ينتقم منهم؟
اولا انا ما بحبش كلمه الانتقام فى التعامل مع الناس
لان كده مش هتبقى حياه هتبقى غابه وصعب اوى على الانسان انه يعيش فى غابه من البنى ادمين.

ياترى هتكون طريقة أنتقامه أزاى؟
خلينى ماشى معاكى لاخر الكلام ان شخص عاوز ينتقم من شخص .
اغتقد انا احسن طريقه للانتقام من شخص ما . ان الواحد يعيش حياته عادى ويكمل مشواره فى الحياه ويحاول ينسى اى حاجه حصلت مع الشخص ده سلبا او ايجابا .. كده بجد هيحسس الشخص الاخر انه صغير اوووى
واكيد طبعاا الحياه ما بتوقفش عند شخص معين او عند موقف معين

ويااااريت ما كونش طولت عليكى فى الكلام بس انا حبيبت اجاوب على سؤالك للاخر
وبجد السؤااااااال جمييييل جداااا.
وشكرااااااا ليكى..........وربنا يوفقك................

_________________
الرجوع الى أعلى الصفحة اذهب الى الأسفل
أميرة الطفولة
عفريت سوبر
عفريت سوبر
avatar

انثى
عدد الرسائل : 5656
العمر : 29
Localisation : at home
Emploi : nothing
Loisirs : 1234
نقاط : 38858
تقييـــم الأداء : 4
تاريخ التسجيل : 29/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 21:58:13

shoshet كتب:
على فكره سؤال محير جدا ويمكن من الاسئله اللى منقدرشى نواجه نفسنه باجابه صحيحه لتلك الاسئله
الحب شعور
والكره شعور

الحب يكبر لما يلاقي اللي يستاهله ويقدّره
والكره ينوجد لما يلاقي السبب لوجوده

اللي يحب شخص مش يكرهه لشخصه وذاته
لأنه في يوم من الأيام حبّه لشخصه وذاته
لكن ممكن يكره تصرفاته
أعتقد هذا أدق وصف
نكره تصرفات اللي نحبهم لأنها ممكن تجرحنا وتضايقنا
ونكره تغيّرهم لما تتبدل مشاعرهم ...



انا بقول ان القلب الحاقد لا يمكن أن يحب لأنه لايثق حتى بنفسه
وكذلك الأنسان الذي يحب لايمكن أن يكره أبد لأنه صاحب مشاعر رقيقه مهما حصل له من خدش لمشاعره إلا انه يظل يعيش على الأمل المفقود لعل أن يعود في يوم من الأيام , أو يظل يتذكر أجمل عذاب الحب؟في تلك الأيام الجميله
ولايعرف الحقد لقلبه طريق أبدآ .
لأن كما قلت الأنسان الحاقد لا يمكن أن يحب


ومن يكره بعد حب أعتقد أنه أوهم نفسه على أنه له قلبٍ يحب



الصراحة الحياة كلها جروح من المستحيل أن تتداوى جرحك ولكن من الممكن ان توهم نفسك بكراهيته لترضى كبريائك وتريح نفسك




(والله والله اي شخص يحب استحاله يكره مهما حصل حتى لويصل به الأمر الى التضحيه في أغلى شئ يملكه).

انا من رايى انك مش تنتقمى وتحاولى تشغلى نفسك باى حاجه تانيه لان فيه وجهتين
الاول:وانا اؤيد الراى ده انهم يكونو فعلا بيحبوكى وبكده هيكون سكوتك اكبر انتقام ليهم وهيرجعو نفسهم وهيحسو بالذنب اتجاهك
الثانى:وده استبعده جدا لان فيه لحظات حلوه مرت بنكم انك تكونى اساتى الاختيار من البدايه وبكده يبقى سكوتك افضل لانهم مش يستهلو انك تفكرى فيهم ولو لحظه حتى لوكانت اللحظه دى ضدهم والله خير منتقم

وممكن يكون التفكير فى الانتقام ده يشغلك ويتعبك انتى وهما ولا على بالهم وزى مقلتلك الله خير منتقم
اتمنى انى اكون افادتك بجد ولو اى اجابه تانيه او نقاش فى اللى كاتبته او مكتبتوشى انا مستعده بجد


سورى انا اتكلمت كتير بس السؤال له جوانب فرعيه كتير وده جزء منها.


ومرسى ياأميرتنا بجد سؤال اجابته مهم ان يعرفها كل انسان.
أولا بشكرك ياشوشيت على ردك ده واللى فيه جزء كبير من الواقع والحقيقة اللى لازم نواجهه
وياريت فعلا الناس دى متحاولش تنتقم منى أو حاجة لكن أنا والله عمرى ما بعرف أنتقم من حد ودايما بدعى ربنا أنى مظلمش حد

شكرا ليكى ياحبيبى على المشاركة والرد
الرجوع الى أعلى الصفحة اذهب الى الأسفل
أميرة الطفولة
عفريت سوبر
عفريت سوبر
avatar

انثى
عدد الرسائل : 5656
العمر : 29
Localisation : at home
Emploi : nothing
Loisirs : 1234
نقاط : 38858
تقييـــم الأداء : 4
تاريخ التسجيل : 29/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 22:01:18

hero_o_2010 كتب:
" ياترى القلب اللى بيحب الناس يقدر فى يوم يكرههم ؟
ولو كرههم مهما عملوا فيه ممكن يحاول ينتقم منهم ؟
وياترى هتكون طريقة أنتقامه أزاى؟ "


أولا يارب تكوني في صحة جيدة وتشكراااااااااات على الموضوع

ثانيا بصي يا أميرة اللي يعرفك صح لا يمكن أن يتخاصم معكي بجد و ده بعيدا عن المدح " وده بوجه خاص "

" أما بوجه عام فالحمد لله على نعمة الإسلام التي لا يجب أن نحافظ عليها فقط بل نتبعها لكي نستخلص منها الأخلاق الحميده وذلك من القرآن الكريم والسنة النبوية "

فإسلامنا العظيم يدعونا إلى الحب والتراحم والتسامح وذلك بعيداَ عن السذاجة والضعف وكان سيدنا محمد عليه الصلاة والسلام أحب الناس وأرحم الناس وكان متسامحا

فأنا لا أتخيل أن الإنسان يستطيع أن يكره إنسانا آخر بعد حبا له ولكن من الممكن أن نكره إنسانا وبعد ذلك نحبه ولكن ( بعد أن يتضح لنا سلامة تفكيره و.................. إلخ )

فالحب معناه رقة ولين في القلب لهذا الإنسان الذي أحببته في الله وهذا يترتب عليه التأثر به والتأثير عليه ( فلذلك لابد أن نتخير أصدقاء الخير ) ولذلك نجد أن النجاح لا يأتي إلا عن طريق الصحبة الخير

لحد كده سليم جدا

ولكن نأتي عند سؤالك يا أميرتنا .

من رأيي أنه لا يوجد كره بين الأصدقاء وذلك إن كان حباَ في الله ، ولكن الذي يحدث هو أن الشيطان ينجح في التسلل إلى قلوبهم وبعد هذا النجاح يبدأ في تهديم هذا الحب الصادق وهذا ينتج عنه قسوة للقلب وبعدها إنقطاع في طاعة الله وينجح الشيطان في مهمته ولذلك يستحب قول ( أعوذ بالله من الشيطان الرجيم ولا حول ولا قوة إلا بالله العلي العظيم ) ولكي يعم الحب فيجب انا تبدار بالإعتذار حتي إذا كنا غير خاطئين وأنا نلتمس أعذار الأخرين
بس كده يا أميرة

أما حكاية الإنتقام فأنا أظن أننا إكتسبناها من الأفلام والمسلسلات ال................

فلا أتخيل أن الإنسان المسلم ينتقم

ولكن يجب أن نتوخي الحذر في إختيار الصديق فهو الساحب إما للجنة أو للنار

ويارب يكون كلامي إتفهم

وتشكراااااااااات يا أميرة على السؤال الحلو ده

ميرسيه ليك ياهيرو على الرد بس بصراحة صعب أنى أعتذر حتى لو كنت مخطئة فى ناس ممكن تكون بتقول كلمة الأعتذار بسهولة وفى أى وقت ومن غير سبب يستاهل لكن وقت الجد متقدرش تقولها وكأن لسانها أتمسك أو بتحس أنه أقلل من كرامتها

عموما ألف شكر على ردك ومرورك
الرجوع الى أعلى الصفحة اذهب الى الأسفل
أميرة الطفولة
عفريت سوبر
عفريت سوبر
avatar

انثى
عدد الرسائل : 5656
العمر : 29
Localisation : at home
Emploi : nothing
Loisirs : 1234
نقاط : 38858
تقييـــم الأداء : 4
تاريخ التسجيل : 29/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 22:09:58

mero diab كتب:
انا هتكلم عن نفسى انا الحمد لله قلب طيب وبحب كل الناس وحصلتلى مشكله فى حياتى
وفكرت انتقم بس اللى حصل انى مش بنتقم من اللى خدعنى انا بنتقم من نفسى
وبيتهيالى ان الرد الواقعى بيكون كويس
شكرا اميره الطفوله

مرسيه ياميرو على ردك ومشاركتك معانا بس أنت مقولتلناش برده القلب اللى بيحب كل الناس ممكن يكره فى وقت ولا لأ ؟

عموما ميرسيه على مرورك
الرجوع الى أعلى الصفحة اذهب الى الأسفل
أميرة الطفولة
عفريت سوبر
عفريت سوبر
avatar

انثى
عدد الرسائل : 5656
العمر : 29
Localisation : at home
Emploi : nothing
Loisirs : 1234
نقاط : 38858
تقييـــم الأداء : 4
تاريخ التسجيل : 29/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   الجمعة 26 أكتوبر - 22:21:24

kemo1988 كتب:
بجد انا بشكرك جداااااااااااااا يا اميره الطفوله على موضوعك الجميل جداا ده
لسببين اولا : لان بجد السؤال ده جميل جدا واكيد حصل وبيحصل لناس كتير
ثانيا: لانك خلتينا نعرف اعضاء المنتدى بيفكروا ازاى!!!!!!

ياترى القلب اللى بيحب الناس يقدر فى يوم يكرههم ؟
انا هجاوبك بكل صراحه ( لالا ) لانى اعتقد انى طالما الانسان حب شخص ما فصعب اوى عليه انه يكره بمعنى كلمه كراهيه. هو ممكن ماعدش يحبهم زى الاول بس مش هتوصل لدرجه الكره.
وهو ممكن علشان بيبعد عنه فبيفتكر ان هو كده كرهه بس الحقيقه ان هو بيحاول ينساه واول ما هينساه بجددد ويفتكره بيضحك على الموقف اللى حصل معاه . بس لازم هو ما يوقفش حياته عند الموقف ده.

لو كرههم مهما عملوا فيه ممكن يحاول ينتقم منهم؟
اولا انا ما بحبش كلمه الانتقام فى التعامل مع الناس
لان كده مش هتبقى حياه هتبقى غابه وصعب اوى على الانسان انه يعيش فى غابه من البنى ادمين.

ياترى هتكون طريقة أنتقامه أزاى؟
خلينى ماشى معاكى لاخر الكلام ان شخص عاوز ينتقم من شخص .
اغتقد انا احسن طريقه للانتقام من شخص ما . ان الواحد يعيش حياته عادى ويكمل مشواره فى الحياه ويحاول ينسى اى حاجه حصلت مع الشخص ده سلبا او ايجابا .. كده بجد هيحسس الشخص الاخر انه صغير اوووى
واكيد طبعاا الحياه ما بتوقفش عند شخص معين او عند موقف معين

ويااااريت ما كونش طولت عليكى فى الكلام بس انا حبيبت اجاوب على سؤالك للاخر
وبجد السؤااااااال جمييييل جداااا.
وشكرااااااا ليكى..........وربنا يوفقك................

ميرسيه ليك يا كيمو أنك لبية الطلب وكمان رديت رد رااااائع
وأنت مش طولت ولا حاجة بالعكس أنت زودت الموضوع تشريف بحضورك وردك

ألف شكر ليك وربنا يستر علينا كلنا
الرجوع الى أعلى الصفحة اذهب الى الأسفل
leaderofmansoura
مشرف منتدى الخواطر الأدبية
مشرف منتدى الخواطر الأدبية
avatar

ذكر
عدد الرسائل : 2141
العمر : 29
Emploi : طالب بكلية الهندسة
Loisirs : نحن قوم اعزنا الله بالاسلام..فاذا ابتغينا العزة بغيره..اذلنا الله..
نقاط : 38503
تقييـــم الأداء : 0
تاريخ التسجيل : 08/04/2007

مُساهمةموضوع: رد: سؤال نفسى تشاركونى فى الحصول على أجابته ممكن   السبت 27 أكتوبر - 8:57:09

بسم الله الرحمن الرحيم
السلام عليكم ورحمة الله وبركاته
اولا احب ان احيي وبشدة اختى العزيزة اميرة الطفولة على سؤالها الجميل دة والحقيقة اجابته محتاجة كلام فعلا ينفذ فى الواقع ويكون ملموسا لدى الجميع ولا يحتاج الى اى تعديات لا تقبلها النفس ولا تشعر بها الكتابات .
اولا القلب الذى يعشق الحياة لا بد اولا ان يحترم ذاته وان يقدر من حوله حتى يحظى باحترام وتقدير من الغير وذلك لان الشعور النفسى والذات الانسانية هما الدافعان وراء كل جديد وكل مفيد يكون اساسا لاشراقة جديدة تطل بها على المستقبل وتكون دافعا قويا بالفعل الى الطريق الصحيح الذى تعترف انت شخصيا به فالحب كما انه اساس الحياة احيانا اذا استخدم بمعناه الصحيح والمعترف به بالفعل يكون فى بعض الاحيان وباءا كبيرا اذا استخدمه الانسان غير السليم باسلوب غير صحيح عن طريق اتباع النواهى وترك النفس للنفس والسير على نهج غير سليم وغير عاقل وهذا ما حذرتنا منه الايام وما زالت تحذرنا من غدرها ولكن ليس هذا عيب فى الحب ولكن عيبا فى مستخدميه وعن اختلافهم حول الرؤى السليمة لادراك واقع الحب الصادق ذاته وليس حب الشكليات او الرسميات الزائفة التى لا تجدى ولا تفيد وعليه فان الحياة التى تسير بمفهوم الحب هو الارادة والارادة هى السبيل هى نفسها الحياة التى تعترف بها القلوب المؤمنة بضرورة استمرار الحياة وترك جميع النواهى التى تؤدى بنا الى الارتقاء بمستوى المعيشة الى حيث ما لا نريدها نحن.فالقلب الذى يحب لا يعرف ابدا الكره فالحب والكره خصيمان لا يمكن لهما ان يجتمعا تحت اى ظرف من الظروف وان اجتمعا فليتاكد الانسان ان هذا الاحساس الذى قد ابتدعته نفسه ليس احساسه الطبيعى وانما هو من صنه اوهامه تعويضا لنقائض قد تكتمل به شخصيته .فعلى المستوى الشخصى احب كل الناس واشعر نحوهم بكل الراحة النفسية واعتبرهم جميعا اهلى واخوانى واحبائى الذين افضلهم على نفسى واقسم بالله العظيم احبهم اكثر من نفسى فلا يهمنى انا ولا يهمنى من الذى اتعامل معه ولكن كل ما يهمنى انى احبهم واخاف عليهم واريد ان اقدم لهم عمرى كله اذا طلبوا منى هذا هذا هو حبى وتقديرى لهم وشعورى ناحيتهم فاذا حكمت الاقدار الالهية ان اتعرض لاى مشكلة من اى منهم ساقول وفى نفس الوقت لله الامر من قبل ومن بعد والحمد لله رب العالمين وستسير المركب فلا جدوى ابدا من الانتقامات واساليب الشياطين غير المجدية والتى من المؤكد انها ستؤدى بنا الى العديد من المشاكل والعديد من الخسائر فى كل شئ اتسموا بالعقل اخوانى ولا تكونوا متسرعين حتى لا يلازمكم الندم فلا يمكن ان اتصور ابدا انى انتقم من شخص قد احببته فى لحظة من اللحظات وفجاة بعد اول مشكلة بينى وبينه وهذة المشكلة تكون بالمثل غير متوقعة تماما كالغدر مثلا احول هذا الحب وهذه الصداقة فى يوم وليلة الى فريسة للشيطان يجعلنى انتقم منه فاذا كان هو رضى على نفسه ذلك الامر فانا لا يمكن ابدا ان ارضاه لنفسى وبالعكس تماما سالقى همومى على خالقى فهو حسبى ونعم الوكيل وسادعو ان يوفقه الله وله الله فى كل وقت ولكن انا لا اعرف سياسة الانتقام ابدا فالقلب الذى تمكن منه حب الله ورسوله ودينه واصدقائه واهله وحياته لا يمكن ابدا تحت اى ظرف من الظروف ان ينتقم ولا ان يتحول الى ذئب بشرى يسعى فى الارض انتقاما ممن خانوه ولهم الله فى كل الاوقات والله تعالى اعلم .

هذا هو رايي اختى العزيزة بكل صراحة وشفافية ولا اخفى عليكى شيئا فتلك طريقتى ولا اتظاهر ابدا بها فتلك هى الصراحة الجميلة التى نمتلكها بفضل الله وتوفيقه .
معلشى انى اتاخرت فى ردى واكنى الحمد لله رديت
ربنا يوفقك اختى العزيزة ويكتب ليكى دائما الصحة والنجاة والسعادة والسلام انه ولى ذلك والقادر عليه .
سلااااااااااااااااااااااااااااااااااااااااااااااااااااااااااااااااااااااااااااااااااااااااام.
leaderifmansoura

_________________


leader of mansoura

(يا ايها الذين امنوا لا ترفعوا اصواتكم فوق صوت النبى ولا تجهروا له بالقول كجهر بعضكم لبعض ان تحبط اعمالكم وانتم لا تشعرون ..)
صدق الله العلى العظيم
الرجوع الى أعلى الصفحة اذهب الى الأسفل
HALIM
مشرف منتدى الأشعاار والقصص والروايات
مشرف منتدى الأشعاار والقصص والروايات
avatar

ذكر
عدد الرسائل : 1793
العمر : 29
Localisation : in my home
Emploi : Engineer
Loisirs : Poet
نقاط : 39078
تقييـــم الأداء : 1
تاريخ التسجيل : 29/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   السبت 27 أكتوبر - 16:06:07

ازيك يا اميره الطفوله ويا ريت تكوني بخير............

القلب اللي بيحب بيعرف يكره؟

اكيد القلب اللي دخله الحب ونوره استحاله يخشه الكره

وازاي يخشه الكره

ده لو الحب جواهم بجد هيفضل جواهم يعد

كل لحظه حلوه وينسا اللحظات الوحشه ويفتكرلهم لحظات الود

اللحظات اللي خافوا فيها علي بعض سؤاء(اصحاب اخوات احباب من أي نوع)

ازاي هكره وانا حبيت ازاي وانا حسيت اجمل لحظات الحب

واللي بيحس بالحب بيكره حاجه واحده (الكره)

بيبقا نفسه كل الناس تبقا زيه.

ولو الدنيا فرقت بينه وبين اللي بيحبه بيفتكرله لحظات وحاجات عامله علشان خاطره وبعدها بيغفرله

يعني لو فتح دفتر الحسابات هيلاقيله حاجات حلوه مهو استحاله يكون حبه من لا شي

اكيد ليه رصيد كبير في قلبه واستحاله كل الرصيد يروح في لحظه ولا فتره هيلاقي جوه الرصيد ده اللي يصبره.بس لو زادت افعاله الوحشه معانا نبعد احسن

اوقات البعد بيبقا اسلم الحلول



وبالتالي انتقامه هيكون غفران والزمان قادر ينسي الانسان اللي كان وتمشي الدنيا ومفضلشي في نفس المكان بفكر بس في انتقام زي ما بيقوله كان في يوم حبيب. وربنا يسامحه



وربنا يديم الحب بين الناس وميجبش زعل اصل احنا في الدنيا ضيوف وراجعين لخالق الناس

_________________
الرجوع الى أعلى الصفحة اذهب الى الأسفل
عاشقة سما
عفريت سوبر
عفريت سوبر
avatar

انثى
عدد الرسائل : 2605
العمر : 28
نقاط : 38464
تقييـــم الأداء : 0
تاريخ التسجيل : 06/04/2007

مُساهمةموضوع: رد: سؤال نفسى تشاركونى فى الحصول على أجابته ممكن   السبت 27 أكتوبر - 16:17:50

السلام عليكم ورحمة الله وبركاته
بجد بجد الموضوع ده شكر خاص جدا لأميره إنتها عملته مش عشان الموضوع بس لكن زى ما قال كيمو عرفنا إن معانا أشخاص فى المنتدى تقدر تاخد رأيهم وأنت مطمن

من أكتر الردود إللى شدتنى جدا إنى أكملها للنهايه وهى طبعا مفيده جدا وفيها الخلاصه هى(عموووووور _شوشيت_هيرو _شيتوس_كيمو)ده طبعا مش بقلل من ردود بقية الأعضاء بس دوول فعلا تحس إنهم حسوا بالمشكله أوى وبالسؤال جدا وبعدين جاوبو بكل صدق فيخيل لك إنهم عارفين السؤال سببه بالظبط وبجد خاصة رأى عمووور

على فكره أنا كل شويه أكتب رد ويفصل بس مصممه أبعته

المهم رد سؤالك طبعا (إللى يحب ميكرهش)
ولما تسمعى أغنيه كلامه بيقول"قالو ؟إن إللى يحب بجد لوفاض بيه بإللى يحبه ميحبش بس ميكرهش وأنا فاض بيا بجد تعبت أد ما بتعب لا كرهتك ولا عارف حتى محبكش"
يعنى حتى مع كل إللى بيعمله فينا عندنا إستعداد نسامحه

أما الجزء التانى الإنتقام ده يتلخص فى كلمة واحده وهى الكرامه
إنك يهمك تردى إعتبار لكرامتك وده طبعا من حقك بس المهم إتباع أسلوب كويس يجرح الشخصيه دى بس ولو قلتيها لأى حد تانى بالنسبه له عادى
إنتى طبعا فهمانى
وصدقينى موضوعك ده أكبر دلييل لرد كرامتك وإحترامك أمام الجمييع

أما بأه لو لا قدر الله تصرفتى تصرف غفوه منك أو أى شىء للإنتقام وكان أسلوب مش كويس مع العلم إنك طبعا متقدريش تعتذرى يبقى لازم يكون فى وسطة خيير بينك وبين الشخصيه دى وطبعا مش أى حد هيقوم بالمهمه دى والصلح خيير

ويارب الرد المره دى كمان ميروحش إنت عارفه إللى فيها
ونأسف ع الإطاله وبجد سعيده إنه موضوع شد الجمييع والكل شرح فيه زى ما شافه بإستفاضه
الرجوع الى أعلى الصفحة اذهب الى الأسفل
Mido
Administrator
Administrator
avatar

ذكر
عدد الرسائل : 935
العمر : 29
Localisation : with my self
Emploi : engineer
Loisirs : student
نقاط : 38786
تقييـــم الأداء : 2
تاريخ التسجيل : 25/03/2007

مُساهمةموضوع: رد: سؤال نفسى تشاركونى فى الحصول على أجابته ممكن   الأحد 28 أكتوبر - 0:28:08

أولا بشكرك على الموضوع الجميل ده وعلى أسألتك وأتمنى ان رأى ممكن يفيدك؟؟؟؟؟
ياترى القلب اللى بيحب الناس يقدر فى يوم يكرههم ؟ ولو كرههم مهما عملوا فيه ممكن يحاول ينتقم منهم ؟ وياترى هتكون طريقة أنتقامه أزاى؟

****طبعا الحب شىء جميل وممكن برضو يبقى مش كويس لصاحبه بس مش شرط الحب يكون حب حبيب لحبيبته ممكن يكون حب أخوى؟؟؟أو حب لله
فصعب أن حد يكره أخوه حتى لو مش أخوه لأننا عمتا مش بنحب الكره ومنحولش حتى لو نفكره فى شخص معين اننا نكره أو ننتقم منه نسلم امرنا لله كلنا وهو أعلم وطبعا برضو الأنسان ممكن يسامح أى شخص عن خطأ أرتكبه والسماح ده هيخلى ألى أخطأ هيندم على أخطاءه ويعتزر للى وقع عليه الخطأ وفى الحالة دى يبقى كده نعتبرها أنتقام,,,, يكفينا نقول عذاب ضمييييييييييير
****بس يارب تكون رأى وصلك وفاهماه
سلاااااااااااااام
Mido

_________________
Laugh and the world laughes with you, weep, and you weep alone
The more you see the less you know

Without hope the heart would break
الرجوع الى أعلى الصفحة اذهب الى الأسفل
http://www.afareetonline.net
can_yama_can
عفريت شادد حيله شوية
avatar

ذكر
عدد الرسائل : 442
العمر : 34
نقاط : 37812
تقييـــم الأداء : 0
تاريخ التسجيل : 10/06/2007

مُساهمةموضوع: رد: سؤال نفسى تشاركونى فى الحصول على أجابته ممكن   الأحد 28 أكتوبر - 10:54:01

بسم الله الرحمن الرحيم

والسلام عليكم ورحمه الله وبركاته



مساء جميل يحلى بتواجـــــــدك ويحلى بكلماتــــــك



سطــــــورك الذهبية ابتسمت لها جـــــــــوارحي

سيدتي
أقــــف لحظــة صمــت قبل ان ينطــــق قلمي حرفاً

فلا اجد من الكلام والحروف ما يقال بعد ان خط وما قاله الاعضاء هنا من ردود فاحتار قلمى ماذا يكتب وماذا سوف يقول اليكى فى سؤالك ولكن وجت من الافضل ان اترك جمله بسيطه لعل يكون فبها مختصر سؤالك واتمنى ان تكون الاجابه موفقه

فانا اقول من يملىء قلبه الحب لايوجد مكان او مساحه للكراهيه وان وجد ما يساع للكراهيه فهو قليل ولايستطيع انسان عرف طريق الحب ان يتركه ويمشى الى طريق الكراهيه ولكل منا مساحه للكراهيه ولكن الجانب الاكبر للحب واحب ان اضيف ايضا ان للقلوب انواع وبالتالى لانستطيع ان نحكم على قلوب غيرنا ولكن نحكم على قلوبنا نحن فلا استطيع ان اتكلم بصفه عامه فلكل انسان مشاعره ولكن منا تفكيره الخاص فعندما احكم على نفسى وعلى قلبى فاعلمى انه لايوجد مكان للكراهيه مها طال الزمن ومها حدث لى فى حياتى لااقدم الا الحب للحب و الحب للكره ولااجد الا ذلك وتلك هى حياتى واتمنى تكونى فهمتى وجه نظرى وان الرد يكون افادك فى سؤالك سيدتي انا
لا أحب كثير المدح والكلام
لكن بالفعل أنتي تستحقين منا
جزيل الثناء
ومن له قلب ليقف معك طويلاً هـنـا وأسال الله ان تكونى فى خير صحه واحسن حال واتمنى لكى التوفيق
الرجوع الى أعلى الصفحة اذهب الى الأسفل
دلوعة الشرق
عفريت شادد حيله شوية
avatar

عدد الرسائل : 257
نقاط : 38478
تقييـــم الأداء : 0
تاريخ التسجيل : 05/04/2007

مُساهمةموضوع: رد: سؤال نفسى تشاركونى فى الحصول على أجابته ممكن   الأحد 28 أكتوبر - 16:37:54

السلام عليكم ورحمة الله وبركاته ....


في الأول : وقبل كل شيء أنا بحيي أميرة الطفوله على موضوعها الرائع .. وليا الشرف بأن أرد على موضوعك زي ما أنتي طلبتي وانا طبعا تحت امرك في كل حاجه تطلبيها ...


ثانبا : نجي للسؤال هل القلب اللي بيحب ممكن يكره انا في رأيي طبعا القلب اللي بيحب حب صادق من غير غش ولا خداع حب بجد من غير حقد ولا كراهيه ده عمره مايكره أبدا مهما كانت الظروف .

فمثلا: انا دايما واخده مبدأ في حياتي عمري ما بغيره ابدا اعتبروه اني بقيس بيه دايما حبي للناس أو حبهم ليا والمبدأ هو ( اللي بيحبني بجد هو اللي مايزعلش مني حتى لو زعلته ) .
فأنا لو بحب صحبتي أو زملتي أو حد من أقاربي حب في الله حب صادق حب التقدير والأحترام وجه اليوم وزعلتني لأي سبب كان انا عمر ماقلبي هيكرهها ابدا ودي فعلا حصلتلي في حياتي وكمان مع احدى زميلاتي كنت معتقده في الاول ان هيجي اليوم ولو شفتها مش هكلمها خالص لكن اكتشفت العكس تماما ... هو الموضوع ان الواحد هياخد موقف جامد جدا علشان اللي مزعلني يعرف قيمتي كويس ومايكررش غلطه تاني ...

اما حكايه الانتقام دي صعبه شويه ... هو ممكن يكون الانتقام رد للكرامه زي ما عاشقه سما تفضلت وقالت ودي ما فيش ملام فيها بس مش هيكون انتقام بمعنى الكلمه ...وبرده الموضوع يرجع لشخصيه الواحد ففيه من يرى انه المفروض يرد جامد وياخد حقه علشان يحسس غيره بغلطه .. وفيه ناس تانيه ما تقبلش على نفسها ان تاخد حقها وتستسلم للأمر منعا بانها تجرح اللي بتحبه .. ودي شخصيات قلبها طيب جدا ومليان حنيه وانا اعتقد ان ده زي قلبك يا أميره ...

اسفه جدا لاني طولت عليكم بس بجد يا أميره أنا مش لاقيه كلام بعد ردود أعضاء المنتدى الجميل .. وأنا شايفه ان كلهم مهتمين بجد للموضوع ... تسلم ايديكي فعلا يا قمر ودي طبعا مش غريبه عليكي ..

وربنا معاكي دايما يارب ويوفقك في حياتك ..


وبالمزيد ان شاء الله ...
الرجوع الى أعلى الصفحة اذهب الى الأسفل
leaderofmansoura
مشرف منتدى الخواطر الأدبية
مشرف منتدى الخواطر الأدبية
avatar

ذكر
عدد الرسائل : 2141
العمر : 29
Emploi : طالب بكلية الهندسة
Loisirs : نحن قوم اعزنا الله بالاسلام..فاذا ابتغينا العزة بغيره..اذلنا الله..
نقاط : 38503
تقييـــم الأداء : 0
تاريخ التسجيل : 08/04/2007

مُساهمةموضوع: رد: سؤال نفسى تشاركونى فى الحصول على أجابته ممكن   الإثنين 29 أكتوبر - 11:31:27

اولا السلام عليكم ورحمة الله وبركاته

احب ان اشارك لمرة اخرى فى هذا الموضوع الراااااااااااااائع حقيقة اختى العزيزة لانه مسنى بالفعل واريد ان اوجه اجابات على قدر المعروض من الاسئلة كبقية اخوانى الاعضاء وهذا بالطبع بعد اذن اختى العزية علينا كلنا اميرتنا اميرة الطفولة .

1)ياترى القلب اللى بيحب الناس يقدر فى يوم يكرههم ؟
بالطبع لا لن الحب لما بيتمكن بقلوبنا الواحد مننا مبيئاشى ملك لنفسه بالعكس دة بيبئة ملك لروح هوة بيستريحليها وبيستريح كمان انه بيرتاح ليها وبيتمنى ان الروح دى بترتاح ليه بصفة عامة وانا مبختصش جزء معين من الحب لا سمح الله لا انا بقول ان القلب دة هدية اداهالنا ربنا سبحانه وتعالى علشان ننمى روح التاخى والحب ما بيننا وكمان لو اضطرتنا الظروف السيئة لا قدر الله من الخلافات لازم نفتكر اننا شاركنا بعضينا اجمل واحلى واروع الذكريات والايام فا بئة متجيشى مشكلة 5 دقائق مثلا تقلب العلاقة الاخوية الجميلة دى اللى استمرت ايام وشهور وسنين فلازم نتحلى بالصبر والحب ولازم نبئة متسامحين على قدر مسئولية الحب نفسه وليس على قدر الالزام بتلك المسئولية فمش ممكن ابدا ان القلب اللى يحب يكره لا مستحيل والله اعلم .

2)لو كرههم مهما عملوا فيه ممكن يحاول ينتقم منهم؟&ياترى هتكون طريقة أنتقامه أزاى؟
اولا سياسة الانتقام من اروع سياسات الغباء الانسانى التى وجدت على مستوى البشرية بصفة عامة لان العقل مصمم بحيث يتم تدبير الامور الذاتية بشئ من الحكمة والضمير وليس بشئ من الغباء الذى يؤدى فى النهاية الى طريق مسدود لا يمكم ابدا ان نعتبر سياسات الانتقام هى الحل الامثل للوقوف ضد ازمات الظروف وتبعاتها الشكلية ولكن يجب علينا ان نتحلى بشئ من الحب اى استحضار حلاوة الايمان بالله غير المحدودة فى القلب حتى يتم تنقية القلوب من جميع شوائب الكره والخداع التى ارستها قواعد الخبث الشيطانية ولا حول ولا قوة الا بالله وبالتالى لن نعطى الفرصة باذن الله لهذا العدو الشيطانى ان يتملك النفس ويعطلى لها اى مخرج للخروج عن الحدود الكونية والتى سوف تصل بنا فى النهاية ولا قدر الله الى الكره والخداع والانتقام وهذا ما لا نريده فالاجابات المثالية التى لا تنفذ على ارض الواقع هى نفسها الاقوال الخادعة التى تنفذ على وجه الواقع ذاته ولكن يجب علينا ان نفتعل الاقوايل السليمة ونحولها الى واقع حتمى نسير على نهجه ولا يسير هو كما يريد واذا استطعنا ان نفعل ذلك بقوة الايمان والصبر على المكروه لن نصل ابدا لموضع هذا السؤال اختى العزيزة وبالتالى لا يكون هناك اى مجال للرد .

طبعا اميرتنا واميرة المنتدى كله منورانا باسئلتك الجمييييييييلة دى وربنا يوفقك دائما يارب
وشكرااااااااا ليكى مرة تانية
ومستنييييييييين المزيد بامر المولى جل وعلا انه ولى ذلك والقادر عليه
واااااااخر دعوانا ان الحمد لله رب العالمين
سلاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام.

_________________


leader of mansoura

(يا ايها الذين امنوا لا ترفعوا اصواتكم فوق صوت النبى ولا تجهروا له بالقول كجهر بعضكم لبعض ان تحبط اعمالكم وانتم لا تشعرون ..)
صدق الله العلى العظيم
الرجوع الى أعلى الصفحة اذهب الى الأسفل
lifemakers88
عفريت شادد حيله شوية
avatar

انثى
عدد الرسائل : 448
العمر : 29
نقاط : 38430
تقييـــم الأداء : 0
تاريخ التسجيل : 10/04/2007

مُساهمةموضوع: رد: سؤال نفسى تشاركونى فى الحصول على أجابته ممكن   الإثنين 29 أكتوبر - 11:43:03

كان عندى سؤال نفسى كلكم تشاركونى فى الرد عليه بأرائكم

ياترى القلب اللى بيحب الناس يقدر فى يوم يكرههم ؟ ولو كرههم مهما عملوا فيه ممكن يحاول ينتقم منهم ؟ وياترى هتكون طريقة أنتقامه أزاى؟

أولا ومن غير مقدمات بحب أرسلك باقه ورد تهنئه مني على موضوعك الميتوصفش ولو بكلمه و البجد زي ما قال كيمو عرفنا ازاي أعضاء المنتدى الرااااااااااااائع ده بيفكروا .....................نبدأ في سؤالك العسل بقه:
بصي يا جميل أنا وأعوذ بالله من كلمة أنا في نظري أي انسان لازم يمسح كلمة الكره ديه من قاموس حياته لانها بجد كلمه وحشه جدااااااااااا وبعدين ديننا مبني على الأخوه والمحبه وحب الخير للغير ومقابلة المعامله السيئه بأحسن منها
زي ما الرسول صلى الله عليه وسلم لوتفتكري لما عفا عن الكفار يوم فتح مكه وقلهم اذهبوا فأنتم الطلقاء شوفي دول آذوه اد ايه وبرضو عفا عنهم وعلى فكره أنا باقتدي بالرسول في الحته ديه قوي لاني بحسها اجمل صوره للمسلم يرسلها
للديانات الأخرى العفو وانك تسامحي وان كان برضو متهنيش نفسك يعني ممكن أزعل شويه وبعدين ربنا هيصفي النفوس وترجع أجمل....وأجمل وبعدين حكاية الانتقام ديه ملهاش غير انك تسامحي وده هيكون أصعب انتقام لان يكفيها تأنيب الضمير لكن زي ما قولتلك كرامتك فوق كل حاجه....

أنا عارفه اني رغيت كتيييييييييييييير بس أعمل ايه مقدرش أشوف أختي بتسأل سؤال ومجوبهاش ...
آسفه جدااااااااااا اني طولت عليك ...
تحياتي..
الرجوع الى أعلى الصفحة اذهب الى الأسفل
 
سؤال نفسى تشاركونى فى الحصول على أجابته ممكن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
عفاريت هندسة المنصورة :: المنتدى العاطفى :: رسايل حب-
انتقل الى: